لە سەرتاسەری عێراق ماتەمینی گشتیی ڕاگەیەنرا

سەرۆک وەزیرانی عێراق ماوەی سێ ڕۆژ ماتەمینی گشتیی لە سەرتاسەری وڵاتە ڕاگەیاند وەک هاوخەمییەک بۆ کەسوکاری ئەو کەسانەی کە لە ڕووداوەی نوقمبوونی بەلەمەکەدا لە موسڵ خنکان.

 

 

 

عادل عەبدولمەهدی سەرۆک وەزیرانی عێراق لە راگەیەنراوێکدا ئەوەی خستوەتەڕوو “ماوەی ٧٢ کاتژمێر ماتەمینی لەسەرتاسەری عێراق ڕادەگەیەنین”.

 

 

 

ناوبراو ئاماژەی بەوەکردووە دەبێت لەماوەی ٢٤ کاتژمێری داهاتوودا لایەنە پەیوەدنیدارەکان هۆکاری پشت ڕووداوەکەی موسڵ ئاشکرا بکەن.

 

 

 

ئەمڕۆپنجشەممە ٢١ی ئازاری ٢٠١٩ لە ڕووباری دیجلە لە موسڵ بەلەمێک ژێرئاو کەوت و بەهۆیەوە ٧٦ کەس گیانیان لەدەستدا و بە دەیانیش بێسەروشوێن و برینداربوون.