ژمارەی ئەو کەسانەی بەهۆی زریانی ئیدایەوە گیانیان لەدەستدا بەرزبوویەوە

بەپیی لێدوانی بەرپرسانی مۆزەمبیق ژمارەی کوژراوەکانی زریانی ئیدای لەبەرزبونەوەیەکی بەردەوامدایە بەجۆریک لەکۆتا ئاماری تیمەکانی فریاگوزاریدا گەیشتۆتە 417 کەس .

 

سۆسیلیا کۆهیا وەزیری ژینگەی مۆزەمبیق لە لێدوانیکی ڕۆژنامەوانیدا بۆ میدیاکانی وڵاتەکەی ئاماژەی بە وەکرد زریانی ئیدای زیانی زۆری بە هاوڵاتیان گەیاندوە .

 

وتیشی “لە چەن ڕۆژی ڕابردودا تۆشی کارەساتێکی گەورەبوین هیوادارین بەزوترین کات خزمەت گوزاری بگەیەنرێتە هەمو لێقەوماوانی زریانەکە .

 

ناوبراو جەختیشی کردوە بەپیی کۆتا ئاماری تیمەکانی فریاکەوتن ژمارەی کوژراوەکان گەیشتۆتە 417 کەسو هەزاران کەسیش بێ ماڵو جێ ماون .

 

دەستەی کەشو هەواو بومەلەرزەزانی مۆزەمبیق گوڕی خیرای زریانی ئیدای خستۆتە ڕوو خیراییەکەی 170 کلم بوە لە سەعاتێکدا .

 

شایەنی باسە لە سەرەتای هەفتەی ڕابردوەوە زریانێکی بەهێز هەردوو وڵاتی مۆزەمبیق و زیمبابۆی گرتۆتەوە لەڕێگای خۆشیدا هەزاران باڵەخانەو پردی هەردوو وڵاتی دراوسێی تەختی زەوی کردوە .