هاوپەیمانی و پارتی تورکمن ئیلی تاوتوێی کاری هاوبەشیان کرد

وەفدێکی دەڤەری کەرکوکی هاوپەیمانی سەردانی پارتی تورکمن ئیلیان کرد و پڕۆژەیەکیەکی نوێی هاوپەیمانییان تاوتوێکرد سەبارەت بە کاری پێکەوەیی پێکهاتەکانی کەرکوک.

 

ئەمڕۆ دووشەممە وەفدێکی دەڤەری کەرکوکی هاوپەیمانیی نیشتمانی سەردانی بارەگای سەرەکی تورکمن ئیلیان کرد لە کەرکوک.

 

وەفدەکەی هاوپەیمانیی نیشتمانی پێکهاتبوو لە کامیل جەلال کارگێڕی دەڤەر و ستار پاشا و د.عەبدولمەجید و تارق تەها و سەید محەمەد و لۆلۆفەر کەمال ئەندامانی دەڤەری کەرکوکی هاوپەیمانی و لەلایەن ڕیاز ساری کهیە سکرتێری حزبی تورکمن ئیلی پێشوازیان لێکرا.

 

وەففدەکەی هاوپەیمانی ئەو پڕۆژەیەیان لەگەڵ سکرتێری حزبی تورکمن ئیلی تاوتوێکرد کە هاوپەیمانی ئامادەیکردووە تایبەت بە ئەنجامدانی کاری هاوبەشی نیوان پێکهاتەکانی کەرکوک و پاراستنی پێکەوەژیان لەو شارە.

 

وەفدەکەی هاوپەیمانی و بەرپرسانی پارتی تورکمن ئیلی جەختیانکلردەوە کە پەرە بە کاری هاوبەشی نێوانیان دەدەن و هەماهەنگی زیاتری یەکدی دەکەن.