سەبارەت بە ڕاگرتنی خوێندن ڕونكردنەوە دەدرێت

وتەبێژی وەزارەتی پەروەردە ڕاگەیاند راگرتنی دەوامی خوێندنگاکان لەدەسەلاتی بەڕیوەبەرە گشتیەکاندایە و لەئەگەری خراپی کەشوهەوادا دەتوانن بەبێ گەڕانەوە بۆ وەزارەت بڕیار بدەن.

 

سامان سیوەیلی وتەبێژی وەزارەتی پەروەردە بە دیجیتاڵ میدیای هاوپەیمانی ڕاگەیاند “بەڕێوبەری پەروەردەكان سەرپشك كراون لەوەی ئایا سبەی دەوام هەبێت یاخود نا” .

 

وتیشی “بەڕێوبەری هەرناوچەیەك و هەر پەروەردەیەك خۆیان بڕیار دەدەن چونكە كەشوهەوای ناوچەیەك بۆ ناوچەیەكی تر دەگۆڕێت”.

 

ئەوەشی خستەڕوو كە چاوەڕێی لێدوانی بەڕێوبەری پەروەردەكان و كەشناسی دەكەن ئەگەر كەشوهەوا ئاسایی بوو دەوام دەكەن ئەگەر ئاسایی نەبوو پەروەردەكان بڕیاردەدەن دەوام نەبێت.