ئەنجامی نافەرمی هەڵبژاردنەكانی توركیا

ئەمڕۆ یەكشەممە 2019\3\31 هەڵبژاردنی شارەوانیەكانی توركیا بەڕێوە چوو كە 12 پارتی سیاسی بەشداری هەڵبژاردنەكەیان كردبوو.

 

ئەڕۆ یەكشەممە هەڵبژاردنی شارەوانیەكانی توركیا بەڕێوەچوو، كەتیایدا 12 پارتی سیاسی ململانێی بەدەست هێنانی زۆرترین دەنگیان دەكرد، لە هەڵبژاردنەكەدا 57 ملیۆن كەس مافی دەنگدانیان هەبوو.

 

لەم هەڵبژاردنەدا پارتی دیموكراتی گەلان هەدەپە بە نوێنەرایەتی زۆربەی كوردەكان كێبركێی پارتەكانی دیكەی دەكرد چونكە 7 پارتی سیاسی بڕیاریاندا بێنە پاڵ هەدەپە لەپێناو بەدەست هێنانی زۆرترین دەنگ كە لەئێستاشدا هەدەپە سێیەم گەورەترین پارتی توركیایە.

 

هەروەها ئەم هەڵبژاردنە دەبێتە یەكەمین هەڵبژاردنی شارەوانی توركیا كە لەژێر سیستمی سەرۆكایەتیدا بكرێت،هاوكات هاوڵاتیانی سوریش مافی دەنگدانیان هەبوو لەم هەڵبژاردنەدا.

 

تائێستا ئەنجامی 51%ی دەنگەكان جیا كراونەتەوە بە گوێرەی ئەنجامەكە ئاك پارتی زۆرترین دەنگی بەدەست هێناوە لە 40 پارێزگا و جەهەپەش لە 19 پارێزگا زۆرترین دەنگی هێناوە و هەدەپەش لە 8 پارێزگا یەكەمە،بە پێی ئەنجامە نافەرمیەكانیش ئاكەپە 46,8%ی دەنگەكانی بەدەست هێناوە و جەهەپەش 31,2%ی دەنگەكان.