ئەم کۆترە بە نرخێکی خەیاڵی فرۆشرا

 

 

 

کۆتر ئەو باڵندەیەی لە زۆربەی جیهان هەیە و لە هەندێک شوێندا بۆ بازرگانیکردن بەکاردەهێنرێت و هەندێکیش وەک خویەک، ماڵیی دەکەن.

 

لە پارێزگای بەسڕە کۆترێک لە جۆری (زاجل) بە بڕی یەک دەفتەر دۆلار فرۆشرا کە رێکخراوی(PIPA)ی نێودەوڵەتی سەرپەرشتیی زیادكردنه‌كه‌ی کردبوو.

 

سەدان کەس لە پارێزگا جیاجیاکانی هەرێمی كوردستانەوە ڕویان لەو بازاڕە کردبوو و تیایدا دەیان کۆتر لە ئەوروپاوە هێنرابوونە ئەو بازاڕەو نرخیان لە 10هەزار دۆلار زیاتر بوو.

 

 

مورتەزا شەریف، نوێنەری ڕێکخراوی (PIPA) نێو دەوڵەتی بۆ کۆتری زاجل لەڕۆژهەڵاتی ناوەڕاست  لە لێدوانێکی ڕۆژنامەوانیدا جەختی کردەوە “ئەم بازاڕە یەکەم جارە لەم پاێزگایە بکرێتەوە، لەپاش ئەم بازاڕەش لە چەند مانگی داهاتودا بازارێکی هاوشێوە لە دەوڵەتی کوەیت دەکەینەوە، کە چەندین بەخێوکەری کۆتری زاجل لە هەموو پارێزگاکانەوە بەشداریان کردووە”.

 

 

لە میانەی زیادکردنەکەدا 60 باڵندەی ناسراوی وڵاتانی جیهان فرۆشران، یەکەم کۆتریش لەو بازاڕەدا نمایش کراو، بە 11هەزار و 600 دۆلار یه‌ك ده‌فته‌ر و 16 وه‌ره‌قه‌ فرۆشرا.

 

 

کۆتری زاجل بەناوبانگترین کۆترە، بەهۆی توانای فڕینی بۆ ماوەیەکی زۆر و توانای خۆڕاگری بۆ کەشوهەوا جیاوازەکان، لە هەموشیان گرنگتر دیاریکردنی ئەو ڕێگەیەیە کە پێیدا دەفڕێت, بەهەمان ڕێگاشدا دەتوانێت بگەڕێتەوە بۆ شوێنی سەرەتای خۆی، لەڕوی زانستیشەوە زانایان ئەم توانایەی دەگێڕنەوە بۆ بونی مادەیەکی موگناتیزی لەناو مێشکی ئەو کۆترەدا.

 

کۆتر زۆر جۆری تری هەیە و ئەمە یەکەمین جار نییە بەو بڕە زۆرەی پارە بفرۆشرێت لە بازاڕەکاندا.

 

چەند جۆرێکی تری کۆتر:

 

١ – کۆتری هنداوی.

٢- کۆتری پەڕلەپێ.

٣-کۆتری پەری.

٤- کۆتری دەنوک کورت.

٥- کۆتری ئێرانی.

٦- کۆتری تار.