هەلبەستڤان هەلگورد قهار كليپەكا نوی بەلاڤ كر

هەلگورد قهار زێدەباری كارێ سیاسی لسەر كارێ هونەرێ ژی بەردەوامە و كلیپەكا نوی دگەل هونەرمەندێ ملی دژوار دوسكی بەلاڤ كر.

 

هەلبەستڤانێ دیارێ پارێزگەها دهوكێ هەلگورد قهار بو دجیتال میدیایا هەڤپەیمانی راگەهاند” ئەف هەلبەستە ژ دەرهێنانا هەژار عبدللە یە ل نڤیسینگەها ئوسكار ل باژێرێ دهوكێ، و تومارا دەنگی ژی ل نڤیسینگەها صول میوزیكە هەر ل باژێرێ دهوكێ بویە”.

 

هەلگورد قهاری زیدەتر روونكر و گوت ” كلیپا مە یا نوی ل گوندێ(تەلوە و كوڤلێ) هاتیە وێنەكرن ب هەڤكاری دگەل هونەرمەندێ ملی دژوار دوسكی كو ئێك ژ هونەرمەندێن بەرنیاسێ پارێزگەها دهوكێ یە”.

 

هەلبەستڤان هەلگورد قهاری ئێك ژ هەلبەستڤانێ دیارێ پارێزگەها دهوكێ و بادینا یە و سێ بەرهەمێن سیدیا و سێ كونسێرتێن جەماوەری و دووپەرتوكێن هەلبەستا و پتری ٢٥ كلێپا هەنە.