عشق و فەنابوون لە کۆڕێکدا پێشکەشدەکرێت

شاعیری لاو ئەمیر ئەمین دەربارەی کار و چالاکییەکانی بۆ دیجیتاڵ میدیای هاوپەیمانی دوا.

ئەمیر ئەمین باسی لە ئەزموون و سەرەتای دەست پێکردنی خۆی لە بواری شيعر و نوسیندا کرد و وتی ” لە ساڵی 2005ەوە دەستم کردووە بە نوسین و خوێندنەوە , خاوەنی کتێبێکی شیعریم بەناوی (من و تۆ بۆ لەدایک بووین ) , ساڵی 2014 کتێبەکەم بڵاو کردۆتەوە , لە زۆرینەی شارەکانی کوردستان کۆڕم کردووە و بەشداری زۆرێک لە فێستیڤاڵەکانی کوردوستانم کردووە و خەڵاتم بە دەستهێناوە لە ئاستە جیاوازەکاندا” بەشێک لەو خەڵاتانەی شاعیر بە دەستی هێناوە:

 

1.خەڵاتی یەکەم لە پێنجەمین ڤێستیڤاڵی (گوڵهەنار )لە هەڵبجەیی شەهید ساڵی 2012.

 

2.خەڵاتی سێیەم لە ڤێستیڤاڵی (گوڵعەنبەر )لە خورماڵ ساڵی 2010.

 

3.خەڵاتی یەکەمی ڤێستیڤاڵی (گوڵعەنبەر )لەساڵی 2012.

 

4.خەڵاتی فەخری ڤێستیڤاڵی (نالی) .خەڵاتی یەکەمی ڤێستیڤاڵی نیشتیمانی ڕێکخراوی (کۆڕا) لە ڕانیە ساڵی 2014.

 

5.خەڵاتی یەکەمی ڤێستیڤاڵی (لاوانی تانجەرۆ )لە عەربەت ساڵی 2018.

 

6.خەڵاتی دووهەم لە ڤێستیڤاڵی (هایما ) لە سلێمانی 2018.

 

7.چەندین جار بەشداری ڤێستیڤاڵی گەلاوێژ بووە و ئەندامی تیپی شانۆی (نالی)یە لە سەیدصادق , بەشداری چەندین بەرنامەی تەلەفیزیۆنی و ڕادیۆی کردووە . شیعرەکانی لە لایەن ئەدەب دۆستانەوە چەند جارێک لێکۆڵینەوە و خوێندنەوەیان بۆکراوە .

 

هەروەها ناوبراو باسی نوێترین کۆڕی شیعری خۆی کرد و ڕایگەیاند” دەزگای ڕۆشنبیری جەمال عیرفان کۆڕێکی شیعری بۆ من و هاوڕێم ئارام حاجی بە ناوی (عەشق و فەنابوون) سازدەکات , کۆڕەکە لە دەزگای ڕۆشنبیری جەمال عیرفان دەبێت لە ڕۆژ ی ٢ شەممە بەرواری ۸ی ٤ ی ۲۰۱۹, کاتژمێر ٣ی پاش نیوەڕۆ”