عەدنان کەریم بۆ یەکەم جار لەم شارەی کوردستان کۆنسێرت دەکات

هونەرمەندی دیاری کورد عەدنان کەریم بۆیەکەم جار لە ڕۆژهەڵاتی کوردستانە و لە شاری مهاباد کۆنسێرتێک ساز دەکات.

 

 

بڕیارە سبەینێ ١٠ی نیسانی ٢٠١٩ لەشاری مەهابادی ڕۆژهەڵاتی کوردستان کۆنسێرتەکەی بەڕێوە دەچێت.

 

کۆنسێرتەکە بەهاوبەشی لەگەڵ ئۆرکسترای فیلارمونیکی موکریان بەسەرپەرشتی کاوە فەقیهزادە و بەڕێوەبەری بەرهەمهێنان شاهین خاتەمی، لە تەلاری وەحدەتی مەهاباد سازدەکرێت.

 

 

عەدنان کەریم بڕیاریدا بەشێک لەداهاتی کۆنسێرتەکە ببەخشێتە زیانلێکەوتوانی لافاوەکەی لوڕستان.

 

لە پەیامێکدا لە بارەی قوربانیانی لافاوەکەی دووهەفتەی ڕابردووی ئێران و ناوچەکانی ڕۆژهەڵاتی کوردستان وتی “نیگەران و غەمگینم بەو ڕووداوانە، هیوادارم بتوانم کەمێک لەغەم و ئازارەکانیان کەمبکەمەوە و هاوکارییان بۆ کۆبکەینەوە”