ڕاگەیەنراوێک لە پۆلیسی سلێمانییەوە

بەڕێوەبەرایەتی پۆلیسی سلێمانی دەستگیرکردنی چوار کەسی ڕاگەیاند کە تۆمەتبارن بە کوشتنی ئەو گەنجەی کە ئێوارەی ئەمڕۆ لە کافتریایەکی سلێمانی کوژرا.

 

دەقی ڕاگەیەنراوەکە:

ئێوارەی ئەمڕۆ كاتژمێر 3:30 خولەك لە نێو گازینۆیەكدا لە شەقامی سالم لەشاری سلێمانی دەستدڕێژی گوللە لە هاوڵاتیەك كرا و دوای گەیشتنی هێزەكانی پۆلیسی فریاكەوتن و بنكەی پۆلیسی رزگاری و تیمەكانی بەشی پۆلیسی بەڵگەی تاوان , كەشف و هێڵكاری بۆ شوێنی رووداوەكە كراو دەركەوت كە تۆمەتبارێك تەقەی لە هاوڵاتیەك كردووە و 3 فیشەكی پێوە ناوە .

دوای بەدوادواچوونی هێزەكانی پۆلیس و وەرگرتنەوەی كامێرای چاودێری , توانرا 4 تۆمەتبار دەستگیربكرێن و لە ئێستادا ئەنجامدەری سەرەكی تاوانەكە كە ناوی (أ ، أ ، ص ) هەڵهاتووە و هێزەكانی پۆلیس لە گەڕان و لێكۆڵینەوەدان بۆ دەستگیركردنی.