لیڤەرپوڵ پۆرتۆی ڕاماڵی و سەرکەوت بۆ قۆناغی پێش کۆتای

لەخولی یانە پاڵەوانەکانی ئەوروپا  یانەی لیڤەرپوڵ لەدەرەوەی یاریگای خۆی بە ئەنجامێکی گەورە لە یانەی پۆرتۆی  پرتوگالی بردەوە و خۆی گەیاندە قۆناغی پێش کۆتای خولی یانە پاڵەوانەکانی ئەوروپا  .

 

لە یارییەكانی گەڕانەوەی قۆناغی چارەكی كۆتایی خولی یانە پاڵەوانەكانی ئەوروپا یانەی لیڤەرپوڵ ئینگلیزی  بووە میوانی پۆرتۆی پرتوگالی  و یارییەكە بە چوار گۆڵ بەرامبەر گۆڵێك لەسودی لیڤەرپوڵ كۆتایهات ، بەمەش یانەی لیڤەرپۆڵ سەرکەوتنی بۆ قۆناغی پێش کۆتای مسۆگەر کرد .

 

 

گۆڵەكانی لیڤەرپوڵ  سادیۆ مانی ومحەمەد سەڵاح و فێرمینهۆ وڤان دایك تۆماریان كرد و تاكە گۆڵەكەی پۆرتۆش ئیدیر میلتۆ تۆماری كرد .

 

 

یانەی لیڤەرپوڵ ئینگلیزی گەشتە قۆناغی پێشکۆتای و لە قۆناغەشدا ڕوبەڕوی یانەی بارسیلۆنای ئیسپانی دەبێتەوە ، یاری چوون لە یاریگای کامپ نوی تایبەت بەیانە کەتەلۆنیەکە لە ٣٠ مانگی چوار بەڕێوەدەچێت یاری گەڕانەوەش لە ٧ مانگی پێنج لە یاریگای یانەی لیڤەرپوڵ ئەنجام ئەدرێت .