مۆرینهۆ نهێنی ڕاگرتنی میسی ئاشکرا دەکات

خۆزێ مۆرینهۆی راهێنه‌ری پوروگالی بۆچوونی خۆی له‌ باره‌ی شێوازی راگرتنی لیۆنێل مێسی ئاشکرا دەکات .

 

 

مۆرینهۆ لەمیانەی بەشداریکردنی لە شرۆڤەیەکی بۆ پێگەی مارکای ئیسپانی باسی ڕاگرتنی میسی دەکات .

 

 

خۆزێ مۆرینهۆ پێشتر له‌گه‌ڵ یانه‌كانی ئینته‌ر میلان و ریال مه‌درید رووبه‌ڕووی لیۆنێل مێسی بۆته‌وه‌، له‌مباره‌یه‌وه‌ ئاماژە بەوەدەکات “راگرتنی مێسی كارێكی ئاسان نییه‌، تۆ ناتوانێت به‌ ته‌نیا یاریزانێك چاودێری مێسی بكه‌یت و رایبگریت”.

 

مۆرینهۆ ئەوەشی ئاشکراکرد “كۆنترۆڵكردنی مێسی زه‌حمه‌ته‌، ناكرێت پلانی تاك به‌ تاك له‌گه‌ڵ مێسی په‌یڕه‌و بكه‌یت، چونكه‌ ئه‌گه‌ر تۆ به‌ ته‌نیا بته‌وێت ئه‌ركی راگرتنی مێسی له‌ ئه‌ستۆ بگریت ئه‌وا تۆ مردوویت، بۆیه‌ كارێكی خووكووژییه‌ ئه‌گه‌ر بته‌وێت به‌رامبه‌ر مێسی پلانی تاك به‌ تاك جێبه‌جێ بكه‌یت، چونكه‌ هه‌ر یاریزانێك به‌ ته‌نیا بیه‌وێت به‌ره‌نگاری مێسی بێته‌وه‌، ئه‌وا مێسی له‌و شوێنه‌دا زۆرترین تۆپی ده‌ستده‌كه‌وێت”.

 

 

مۆرینهۆ لەکۆتایشدا ئەوەشی خستەڕوو “كلۆپ ئه‌گه‌ر بیه‌وێت خۆی له‌ مه‌ترسییه‌كانی مێسی به‌دووربخات، ده‌بێت مێسی بخاته‌ نێو قه‌فه‌سێك و به‌ یاریزان ده‌وروی بدات”.