کوردەکان بونیادنەری کۆنترین شوێنەواری بەریتانیا و ئەوروپان

دوای سه‌دان ساڵ له‌ توێژینه‌وه‌ و به‌دواداچوونی ورد توێژه‌رانی شوێنه‌وارناسی به‌ریتانی له‌ رێی پشكنینی (DNA)یه‌وه‌ بۆیان ده‌ركه‌وت، بنیاتنه‌رانی شوێنه‌واری به‌ناوبانگی جیهان به‌ گشتیی و به‌ریتانیا به‌ تایبه‌تی “ستۆنهنگ”، له‌ شاری “ره‌ها”ی باكووری كوردستانه‌وه‌ كۆچیان كردووه‌ بۆ به‌ریتانیا و به‌ ره‌چه‌ڵه‌ك به‌ریتانی نه‌بوونه بەڵکو خەڵکی کوردستان بوون‌.

 

 

ئه‌مڕۆ “بی بی سی”ی به‌ریتانی ئه‌نجامی نوێترین پشكنین و توێژینه‌وه‌ی بڵاوكرده‌وه‌ و به‌ گوێره‌ی توێژینه‌وه‌كه‌ ئه‌و كه‌سانه‌ی پەرستگای” ستۆنهنگ”یان بنیاتناوه‌ هیچكامیان به‌ریتانی نه‌بوونه‌ و به‌ڵكو له‌ رێی ده‌ریاوه‌ له‌ رۆژئاوای به‌ریتانیا و له‌ ده‌ریای سپی ناوه‌ڕاسته‌وه‌ گه‌یشتوونه‌ته‌ ناوچه‌كه‌.

 

 

ئه‌نجامی ئه‌و توێژینه‌وه‌ نوێیه‌ی پسپۆڕانی به‌ریتانیا ده‌ریخستووه‌ نزیكه‌ی هه‌شت هه‌زار ساڵ پێش بنیاتنانی هه‌ره‌مه‌كانی میسر و زیاتر له‌ چوار هه‌زار ساڵ پێش بنیاتنانی “ستۆنهنگ” له‌ به‌ریتانیا، خه‌ڵكی ئه‌و ناوچه‌یه‌ی كوردستان، له‌ نزیك ره‌ها، له‌ سه‌ر به‌رد به‌ هێما و وێنه‌ په‌یامێكیان تۆمار كردووه‌ و شوێنه‌وارێكی ناوازه‌یان بۆ مرۆڤایه‌تی به‌جێهشتووه‌ کە ئەویش گردی گۆبگلی تەپەیە کە ناوەکەی بە کوردی (گرێ مراز)ە.

 

 

 

له‌ ئێستادا لە شوێنەواری ستۆنھنگ 17 به‌رده‌ستوون ماونه‌ته‌وه‌ و 6 به‌ردیش له‌سه‌ریان راخراون، هه‌ر به‌ردێكیان كێشی 40 ته‌نی مه‌ترییه‌ و به‌رزیشیان له‌ رووی زه‌وییه‌وه‌ 7 مه‌تره‌.

 

 

مانگی ئابی ساڵی رابردوو شیكاری كیمیایی بۆ ئه‌و ئێسك و پروسكانه‌ كرا، كه‌ له‌ نزیك ستۆنهنگ نێژراون و ده‌ركه‌وت هیچ كامیان له‌ باشووری به‌ریتانیا له‌دایك نه‌بوونه‌، به‌ڵكو له‌ شوێنێكی دیكه‌وه‌ هاتوون.

 

 

لە ڕێگەی DNA وە یەکلایی کرایەوە کە ئەو مرۆڤانە لە ڕۆژھەڵاتی ناوەڕاستەوە و بە تەحدید لە کوردستانەوە کۆچیان کردوە بۆ بەریتانیا .