کۆمسیۆنی عێراق هۆشداریدەداتە هاوڵاتیان

کۆمسیۆنی هەڵبژاردنەکانی عێراق هۆشداری دەداتە هاوڵاتیان و جەخت دەکاتەوە کە هەر هاوڵاتیەک کارتی دەنگدانی وەرنەگرتبێتەوە بۆی نییە دەنگبدات.

 

ئەمرۆ شەممە 27 نیسانی 2019 لە کۆنفراسێکی رۆژنامەوانیدا کەریم تەمیمی بریاردەری ئەنجومەنی کۆمیسیۆنی باڵای هەڵبژاردنەکانی عێراق رایگەیاند “هیچ دەنگدەرێک بۆی نیە دەنگ بدات ئەگەر کارتی دەنگدانی نەبێت “.

 

ناوبراو رایگەشیگەیاند “داوا لە هاوڵاتیانی کوردستان دەکەم ، سەردانی بنکەکانی کۆمیسێۆن بکەن و ناوەکانیان بدۆنەوە و کارتەکانیان وەربگرنەوە”.

 

هاوکات دڵنیای ئەوەشی دایە ئەو ئاوارانەی کە لە هەرێمی کوردستاندان “هاوشێوەی هاوڵاتیان مافی دەنگدانیان هەیە و دەتوانن بۆ وەرگرتنەوەی کارتەکانی دەنگدان سەردانی بنکەی کۆمیسیۆن بکەن” .

 

کەریم تەمیمی جەختی لەسەر پرسی ئاوارەکان کردەوەو رایگەیاند “بنکەی ناونوسینی کاتیان بۆدەکرێتەوە و بەنیازیشین لەو بارەیەوە چەند بریارێک دەربکەین” .