ئیسرائیل گوندێك  بەناوی دۆناڵد ترەمپەوە دروست دەكات .

ناتانیاهۆ سەرۆك وەزیرانی ئیسرائیل رایدەگەیەنێت، لە بەرزاییەكانی جۆلان، ناوچەیەكیان دیاریكردوە بۆ ئەوەی گوندێكی لێ بونیات بنێن بەناوی دۆناڵد ترەمپەوە.

سەرۆك وەزیرانی ئیسرائیل باسی لەوەكرد، گەلی ئیسرائیل  دەیەوێت بەو كارە سوپاسی دۆناڵد ترەمپ بكات  بەرامبەر ناساندنی جۆلان وەك بەشێك لە خاكی ئیسرائیل.

ناتانیاهۆ لە كۆبونەوەی ئەنجومەنی وەزیرانی ئیسرائیلدا، رایگەیاندووە، ناوچەیەكی گونجا و سەرنجڕاكێشی بەرزاییەكانی جۆلان كۆمەڵگەیەكی نیشتەجێ بون لەشێوەی گوندێكی پێشكەوتوو دروست دەكەن،  بە ناوی دۆناڵد ترەمپ سەرۆكی ئەمەریكاوە ناوی دەنێن.

نەتانیاهۆ ئاماژەی بەوەدا دروستكردنی ئەم گوندە دەكەوێتە ئەستۆی حكومەتی داهاتوو كە بڕیارە بەمنزیكانە پێكبهێنرێت بەفەرمی بڕیارەكەیەشیان پەسەند كردوە.