وەفدێکی ئەنجومەنی سیاسیی هاوپەیمانی سەردانی دەڤەری کەرکوکی کرد

ئەمڕۆ دوو شەممە ۱۳/٥/۲۰۱۹ وەفدێکی ئەنجومەنی سیاسی هاوپەیمانی دەڤەری کەرکوکیان بەسەر کردەوە.

وەفدەکەی ئەنجومەنی سیاسیی پێکهاتبوو لە جلال احمد و ئومێد جاف ئەندامانی ئەنجومەنی سیاسیی و سۆران مجید ئەندامی دامەزراوەی ڕاگەیاندن.
وەفدەکە لەلایەن کامیل جەلال بەرپرسی دەڤەری کەرکوک و هەریەک لە  سەلام عزیز و سامان عبدللە و محمد سعید  ئاراز خورشید ئەندامانی ئەنجومەنی نوێنەران و دلێر دەروێش  یاریدەدەری دامەزراوەی ڕاگەیاندن و تارق تەھا بەرپرسی بەشی پەیوەندی دەڤەر و  محمد سید کریم ئەندامی ئەنجومەنی دەڤەرى کەرکوکەوە پێشوازیان لێکرا.

لەسەردانەکەدا بارودۆخی کەرکوک و کاروچالاکیەکانی دەڤەر باسی لێوەکرا و جەخت کرایەوە لەسەرئەوەی هاوپەیمانی پێویستە پێشەنگ و دەست پێشخەر بێت بۆ سازکردنی زەمینەی پێکەوەژیانی پێکهاتە جیاوازەکانی کەرکوک و هەنگاو و کاری کردەیی لەم بارەوە تاوتوێکرا.