وەزیری دەرەوەی ئێران سەردانی وڵاتی چین دەكات

هاوپەیمانی – رۆیتەرز

محمد جەواد زەریف وەزیری دەرەوەی ئێران بەمەبەستی دۆزینەوەی رێگەچارەیەك سەبارەت بە رێكەوتنی ئەتۆمی  ئەمرۆ  چوارشەممە گەشتي پەكینی پایتەختی چینى كرد ، بڕیارە لەگەڵ بەپرسانی ئەو وڵاتانەدا كۆببێتەوە كە بەدۆستی ئێران ناسراون.
زەریف رایگەیاند” ئێران پابەند دەبێت بەسەرجەم ئەو رێكەوتنە ئابووری و بازرگانیانەی كەلەگەڵ دۆستەكانیدا هەیەتی لەنێوانیشیاندا چین و روسیا ، پێویستە هەموو لایەك هەنگاوی پێویست و كرداری بۆ ئەو مەبەستە بنیرێن تاكۆ گەلی ئێران زەرەمەند نەبن.
وەزیری دەرەوەی ئێران لەگەشتەكەیدا لەوڵاتی یابانەوە بەرەو چین لەلێدوانێكیدا بۆ میدیا فەرمییەكان وتی: سەرجەم لایەنەكانی رێكەوتنە ئەتۆمیەكە ئازادن لەپاپەند بوون بە رێكەوتنەكەوە، بەڵام ئێران هەوڵی خۆ رزگاركردن دەدات لەو رێكەوتنە.
هەفتەی رابردوو ئێران بە هەر پێنج لایەنی نێودەوڵەتی بەشدار لە رێكەوتنی ئەتۆمی كەلە ساڵی 2015 لەسەری رێكەوتبوون ڕاگەیاند” لەمەودا ئێران پابەند نابێت بە بەشێك لەو رێكەوتنە ئەتۆمیەوە” ئەوەش دوای ئەوەهات كە واشنتن سزا ئابووریەكانی بۆ سەر وڵاتانی ئێران گەڕاندەوە.