خانمانی هاوپەیمانی و یەکگرتوی خوشکان کۆبونەوە

ئەمڕۆ یەکشەممە ۲۰۱۹/٥/۱۹ شاندێکی خانمانی دەڤەری هەولێری هاو‌پەیمانی سەردانی یەکگرتوی خوشکانی ئیسلامیان کرد و جەختیان لە کاری پێکەوەیی کردەوە

وەفدەکەی خانمانی هاوپەیمانی پێکهاتبوون لە ڤەلەنتینا عبدالرحمن ئەندامی ئەنجومەنی سیاسی و چرۆ اسماعیل بەرپرسی ڕاگەیاندن و پەیوەندیەکان ی دەڤەری هەولیر و جوان عبدالخالق بەرپرسی گەشەپێدانی مرۆیی و ڕۆژان عبدالخالق بەرپرسی بازنەی خانمانی دەڤەری هەولێر

لە دیدارەکەدا هەردولا جەختیان لە پەیوەندی تۆکمەی نێوانیان کردەوەو باسیان لە دۆخی کاری ڕێکخراوەیی و پێکەوەیی کردەوەو بە گرنگییەوە تێروانینی خۆیان بۆ دۆخی خانمان خستە ڕوو.

لە کۆبونەوەکەدا باس لە کارو پرۆژەو چالاکی هاوبەشی نێوان هەردوو لاکراو هەماهەنگی نێوان ڕێکخراوو ئۆرگانەکانی تایبەت بە خانمان بە پێوست زانرا.

وەفدەکەی خانمانی هاوپەیمانی لەلایەن بەرێزان نەعیمە خالد بەرپرسی هەولێری سکرتاریەتی خوشکان و هێرۆ صالح بەرپرسی پەیوەندیەکان و صبیحە فتح اللە بەرپرسی لقی خوشکان بەگەرمی پێشوازیان لێ کرا..