سێ‌ سەركردەی شیعە هۆشداری دەدەن

لەبارەی هەڵکشانی ئاڵۆزییەکانی نێوان ئەمریکا و ئێران سێ سەرکردەی دیاری شیعەی عێراق هۆشداری لەوەی عێراق ببێته‌ گۆڕه‌پانی ململانێی نێوان ئه‌و دوو وڵاته‌.

 

موقته‌دا سەدر به‌یاننامه‌یه‌كیدا ده‌ڵێت “من له‌گه‌ڵ هاندانی جه‌نگ نیم له‌ نێوان ئه‌مه‌ریكا و ئێران، له‌گه‌ل ئه‌وه‌ش نیم عێراق تێوه‌بگلێنرێ و ببێته‌ گۆڕه‌پانی ململانێی نێوان ئه‌و دوو وڵاته‌. له‌ هه‌مان كاتدا پێویسته‌ له‌گه‌ل گه‌وره‌كانی نه‌ته‌وه‌دا بوه‌ستین بۆ دوورخستنه‌وه‌ی عێراق له‌و جه‌نگه‌ی كه‌ ته‌ڕو وشك پێكه‌وه‌ ده‌سوتێنێ”.

 

لەهەمان کاتتداعه‌مار حه‌كیم سه‌رۆكی ته‌ییاری حیكمه‌ دەڵێت “ئالۆزیه‌كانی نێوان ئه‌مه‌ریكا و ئێران جێگای دڵه‌ڕاوكێی وڵاتانه‌و هه‌ڕه‌شه‌یه‌ بۆ سه‌ر ئاسایشمان”.

 

حه‌كیم ئاماژه‌ی بۆ ئه‌وه‌ كرد، عێراق په‌یوه‌ندی توندو تۆڵی له‌گه‌ڵ هه‌ردوولا هه‌یه‌، بۆیه‌ ده‌كرێ رۆڵی نێوه‌ندگیر ببینێ بۆ نزیك كردنه‌وه‌ی دیدگای هه‌ردوولا و كۆتایی هێنان به‌و گرژیانه‌.

 

لای خۆیه‌وه‌ قه‌یس خه‌زعه‌لی سه‌ركرده‌ی عه‌سایبی ئه‌هلی حه‌ق هۆشداری له‌ هه‌وڵی هه‌ندێكدا له‌ تێكه‌ڵ كردنی كارته‌كان له‌ پێناو دۆزینه‌وه‌ی به‌هانه‌یه‌ك بۆ جه‌نگ و زیان گه‌یاندن به‌ دۆخی سیاسی و ئابوری و ئه‌منی عێراق. خه‌زعه‌لی پێی وابوو، جه‌نگ خزمه‌تی به‌رژه‌وه‌ندی عێراق و ئه‌مه‌ریكا ناكات، به‌ڵكو به‌ نمره‌ ه‌ك له‌ به‌رژه‌وه‌ندی ئیسرائیلدا ده‌بێت.