ئایین لەدیدگای هاوپەیمانیدا

ئایین لەدیدگای هاوپەیمانیدا

 

هاوپەیمانیی نیشتمانی وەك بزافێكی كۆمەڵایەتی دیدگاو بیرو بۆچوونی خۆی  سەبارەت بە ئاین بەم شێوەیە دەخاتە ڕوو.

 

 

١. قوڵکردنەوەی گیانی برایەتی و ڕێز و خۆشەویستی نێوان ئایین و ئایینزا جیاوازەکانی هەرێمی کوردستان و ئاڕاستەکردن و پەروەردەکردن و ڕێکخستنی وتارە ئایینیەکان، بە ڕەچاوکردنی ئازادیی ئایین و سەربەستیی دەربڕین و بەسەنتەرکردنی خۆشەویستی نێوان خوا و خەڵک.

 

 

٢. پەیڕەویکردنی سیاسەتی نیشتمانسازی لە ڕێگای وەزارەتی ئەوقاف و کاروباری ئایینیەوە و هاندانی وتاربێژ و ڕێبەرانی پەیڕەوانی ڕێبازە ئایینیەکان بۆ بەنیشتمانکردنی زیاتری ڕۆڵی ئایین لە ئاڕاستەکردنی گوتاری میانڕەو و خۆشەویستیی گەل و پاراستنی گیانی برایەتیی لەنێوان ڕۆڵەکانی عیراق و هەرێمی کوردستاندا.

 

 

٣. بەرزکردنەوەی ئاستی خوێندن و پڕۆگرامەکانی پەروەردە و فێرکردن لە خوێندنگا و پەیمانگە و کۆلیژە ئایینیەکاندا، بۆ ئەوەی بە شێوەیەکی هاوچەرخ و جیاواز دەستەبژێر و ڕێبەر و پێشەوا ئایینییەکان ئامادە بکرێن و لەسەر دەستی ئەوان،  گەشەی رۆشنبیری هاوچەرخ لە ئایین و کایە ئایینیەکان بهێنرێتە دی، بە ڕێزگرتن لە دەقە پیرۆزەکان و هاوچەرخکردنی خوێندنەوە و ڕاڤە ئایینیەکان بە شێوەیەکی هاوسەنگو پێویست و گونجاو.

 

 

٤. هاندانی پەروەردەكردن و رۆشنبیری ئایینی و کراوەبوونی ڕێبەرانی ئایین، بە ئەنجامدانی چاکسازیی کۆمەڵایەتی و ئایینی و بە ڕێزگرتن لە بنەما جێگیرەکانی ئایین و هاوچەرخبوون و زانستیبوون.

 

 

٥. دەستەبەرکردنی دیالۆگی ئایینی و ڕەخساندنی هەلی پەیوەندیی بەهێز لە نێوان ڕێبەر و ئیمامە ئایینیەکانی هەرێمی کوردستان و دنیای عەرەب و جیهانی ئیسلامی و دنیای دەرەوە، لەپێناو بەرفراوانکردنی ئاستی تێگەیشـتن و دنیابینیی ئاییـن و ئایینزاکاندا.

 

 

٦. کردنەوەی خول و وۆرکشۆپ و کۆرسی ئاست جیاواز بۆ خوێندکار و مامۆستایانی خوێندنگە و پەیمانگە ئایینیەکان و وتاربێژانی ئایینی.