واشنتۆن پۆست.. دوو پەیوەندیی نێوان قاسم سولەیمانی لەگەڵ نەسروڵڵا وعەسائیب ئاشكرا دەكات

هاوپەیمانی ـ

رۆژنامەی واشنتۆن پۆستی ئەمریكی بڵاویكردەوە، فەرماندەی فەیلەقی قودسی سوپای پاسداران پەیوەندییەكی گرنگ وپتەوی لەگەڵ عەسائیب ئەهلی حەق لەعێراق و هەروەها حەسەن نەسروڵڵا ئەمینداری حزبوڵای هەیە لە لوبنان.

رۆژنامەكە ئاماژەی بەوەكردووە، قاسم سولەیمانی كۆبونەوەیەكی بەپەلەی لەكۆتایی مانگی 2018 لەگەڵ هەردوو سەركردەكە ئەنجامداوە لەبارەی سزاكانی ئەمریكا لەسەر گەمارۆ نەوتییەكانی بۆ سەرئێران پێش ئەوەی بكەوێتە بواری جێبەجێكردنەوە.

هەروەها باسی لەوەكردووە، سولەیمانی بەهەردوو سەركردەكەی عەسائیب و حزبوڵڵا وتووە، “براكانم لەمنەوە سەرپشك بن كە ئێستا رێگای راست بگرن”.

پێشتر رۆژنامەكە بڵاویكردەوە كە عەسائیبی ئەهلی حەق پێنج هەزار شەڕكەری هەیە.

واشنتۆن پۆست ئاماژەی بەپەیوەندی دووەمی قاسم سولەیمانی كردووە لەگەڵ حەسەن نەسروڵڵا و پێی وتووە كە ” هاوپەیمانی ئەمریك و یەهۆدی پیلانیان بەدەستەوەیەو گەردەلولێكی بەهێز بەڕێوەیەو نەسروڵڵاش لەوەڵامدا جەختی كردووەتەوە كە ئامادەن”.