وتەبێژی پۆلیسی سلێمانی ئامادەکاری تەواومان کردووە بۆ ڕۆژانی جەژن

بچووکردنەوە گەورەکردن
وتەبێژی پۆلیسی سلێمانی رایگەیاند “ئامادەکاری تەواومان کردووە  بۆ رۆژانی جەژن و سەرجەم رۆژە پشووەکان  بۆ ئەگەری ڕودانی هەر حاڵەتێکی نەخوازراو.

سەرکەوت ئەحمەد وتەبێژی پۆلیسی سلێمانی تایبەت بە ئامادەکاریەکانی ڕۆژانی جەژن  ڕاگەیاند “ڕێنمایمان بڵاوکردۆتەوە بۆ سەرجەم بەش و بنکەو یەکەکان و ئامادەکاری تەواومان کردووە و لە  یەکەم رۆژی جەژندا سەرەتا لە سەر قەبرانەکان  دەبین بەو پییەی خەڵکی بەیانیان سەردانی مردوەکانیان دەکەن’.

 

هاوکات ئەوەشی خستۆتەڕوو “بە هاوکاری ئاسایشی سلێمانی و پۆلیسی هاتوچۆ و لیوای یەکیکی پاراستنی سلێمانی و بەرگری و شارستانی ئامادەکاری تەواومانکردووە بۆ رۆژانی جەژن و سەرجەم رۆژە پشووەکانی دیکەش”.
ئەوەشی ڕونکردەوە “لە رۆژانی جەژندا سەرجەم دوکان و مارکێت و ئەو شوێنانە ئاگادار دەکەینەوە، هەر شوێن و کەسێک یاریە ئاگرینەکان بفرۆشێت یان مامەڵەی پێوە بکات ئیجرائاتی قانونی لەگەڵدا دەکەین”.

ئەمە لە کاتیکدایە زۆربەی بەش و یەکەکای پۆلیس و ئاسایش تایبەت بە رۆژانی جەژن خراونەتە حاڵەتی ئامادەباشیەوە بۆ ئەگەری ڕودانی هەر حاڵەتێکی نەخوازراو.

 

 

سەرجاوە: پرس میدیا