دۆناڵد ترەمپ بە سەردانێكی سێ رۆژە گەیشتە بریتانیا

بچووکردنەوە گەورەکردن

سەرۆكی ویلایەتە یەكگرتوەكانی ئەمریكا و مێلانیا ترەمپ-ی هاوسەری، لە سەردانێكی سێ رۆژەدا ئەمڕۆ دوشەممە گەیشتنە شانشینی یەكگرتوی بریتانیا.

 

 

بەپێی ئاژانسەكانی هەواڵی بریتانیا، وا بڕیارە دۆناڵد ترەمپ، سەرۆكی ویلایەتە یەكگرتوەكانی ئەمریكا لەگەڵ ئەندامانی خێزانی شاهانەی بریتانیا كۆببێتەوە و لەبارەی بابەتەكانی گۆڕانی كەش و هەوا و كۆمپانیای هواوی چینی و پێشهاتەكانی ئەمدواییانەی بریتانیا سەبارەت بە پرسی برێكزیت و دەستلەكاركێشانەوەی تێرێزا مەی گفتوگۆبكەن.

 

 

سەرۆک ترامپ و میلانیای خێزانی لەمیانەی سەردانە سێ ڕۆژەییەکەیاندا بۆ بەڕیتانیا لەگەڵ کۆمەڵێک لە ئەندامانی خێزانی شاهانەی بەڕیتانیادا کۆدەبنەوە و چاویان بە هەریەک لە شاژنە ئیلیزابێث و شازادە چاڕڵز دەکەوێت و سەردانی کۆشکی بەکینگهام دەکەن، دواتر سەردانی کڵێسای وێستمنستەر ئابی دەکەن.

 

 

سەرۆکی ئەمەریکا دانۆڵد ترامپ داوا دەکات ئەو کەسەی جێی سەرۆک وەزیری ئێستای بەڕیتانیا تێریزا مەی دەگرێتەوە بە توندی پشتیوانی لە جیابوونەوەی بەڕیتانیا بکات لە یەکێتی ئەوروپا. هەروەها نوێنەرانی سەرۆک ترامپ داوایان لە بەڕیتانیا کردووە هەڵوێستیان توندتر بێت بەرامبەر کۆمپانیای هواوی چینی.

 

 

دواتریش ترەمپ لە داونین ستریت، لەگەڵ سەرۆك وەزیرانی بریتانیا كۆدەبێتەوە و گفتوگۆ لەسەر دوایین پێشهاتەكانی هەردو وڵات بە تایبەتی و جیهان بە گشتی دەكەن.

 

 

ئەو سەردانەی ترەمپ بە دووەم سەردانی بۆ بریتانیا هەژمار دەكرێت، كە سەردانی یەكەمی بۆ شانشینی یەكگرتوە لە مانگی تەمموز-ی ساڵی رابردودا ئەنجامدا و لە ئاكامدا بە مەبەستی ئیدانەكردنی ئەو سەردانە هەزاران كەس رژانە سەر شەقامەكانی لەندەن.