هەرێم: مەڕاسیمەكانی بەڕێوەچوونی یەکەم رۆژی جەژنی رەمەزان

بچووکردنەوە گەورەکردن

ئەمڕۆ لە شارەکانی  کوردستان و عێراق و چەندین ولاتی تر یەکەم رۆژی جەژنی رەمەزانە و هاونیشتمانیان سەرلەبەیانی ئەمڕۆ لە مزگەوتەکان نوێژی بەکۆمەڵیان کرد و داوای گەردن ئازادییان لە یەکدی کرد.

 

 

لە هەرێمی کوردستان هاوڵاتیان بە چەندین  شێوە ئەو جەژنە پیرۆز رادەگرن و چەندین مەراسیمی جۆراوجۆر بەڕێوەدەبەن.
ئەنجامدانی نوێژی بەکۆمەڵی جەژن و سەردانکردنی ماڵی خزم و دراوسێ و دۆستان و چوونە سەر گۆڕی ئەو کەسانەی لە رابردوویەکی  نزیکدا گیانیان لەدەستداوە بەشێکە لەو مەراسیمانەی کە ئەنجامدەدرێن.
گێڕانی شیرینی و خواردنی فاسۆلیا و قەیسی لە بەیانی جەژندا و چوونە دەرەوەی بەکۆمەڵی گەنجان و یاریکردنی منداڵان بەشێکی ترن لەو چالاکییانەی کە تایبەتن بە جەژنەکان.
جەژنی رەمەزان یەکێکە لە دوو جەژنە سەرەکییەکەی ئاینی ئیسلام، موسوڵمانان لەو رۆژەدا دوای نزیکەی مانگێک بە رۆژووبوون و بەجێگەیاندنی یەکێک لە واجبە سەرەکییەکانی ئاینیی ئیسلام پیرۆزبایی لە یەکتر دەکەن و مەراسیمی جەژن بەڕیوەدەبەن.