وەفدێکی دەڤەری سلێمانی هاوپەیمانیی سەردانی حزبی شیوعی کوردستانیان کرد

بچووکردنەوە گەورەکردن

وەفدێکی دەڤەری سلێمانی هاوپەیمانیی سەردانی حزبی شیوعی کوردستانی کرد و لە کۆبونەوەیەکدا باسیان لە پەیوەندییەکانی نێوانیان کرد.

 

 

وەفدەکەی هاوپەیمانیی نیشتمانی بە سەرۆکایەتی محمەد قەرەداغی کارگێڕی دەڤەر و ژمارەیەک لە ئەندامانی دەڤەر سەردانی مەڵبەندی سلێمانی حزبی شیوعییان کردو لەلایەن عوسمان حەمە سەعید سکرتێری کۆمیتەی ئەو حزبە و ژمارەیەک لە ئەندامانی کۆمیتەکەوە پێشوازییان لێکرا.

 

 

لە کۆبونەوەکەدا هەردوو لا جەختیان لە پەیوەندییەکانی نێوانیان کردەوە و دیدو بۆچونی خۆیان خستە ڕوو لەسەر کاری هاوبەش ، بەتایبەت لە پرسە چارەنوسسازەکان و قۆستنەوەی هەلەکان و بەکارهێنانی لە بەرژەوەندی هەرێمی کوردستان و لە خزمەتکردن بە خەڵکی کوردستاندا.

 

 

وەفدی حزبی شیوعی خۆشحاڵی خۆیان بە سەردانەکە دەربڕی و سوپاسی وەفدەکەی هاوپەیمانییان کرد بۆ ئەو دەست پێشخەریە و و دوپاتی دۆستایەتی بەردەوام و کاری پیکەوەییان کرد.

 

 

ئەم دیدارەی دەڤەری سلێمانی لە درێژەی دیدار و سەردانەکانی هاوپەیمانییە بۆلای حزب و لایەنە کوردستانیەکان بە مەبەستی دروست کردنی پەیوەندی تۆکمە و کاری پێکەوەیی.