هاوپەیمانی پیرۆزبایی ساڵیادی دامەزراندنی لە پارتی گەشەپێدانی تورکمانی کرد

بچووکردنەوە گەورەکردن

وەفدێکی هاوپەیمانیی نیشتمانی سەردانی پارتی گەشەپێدانی تورکمانیان کرد و پیرۆزبایی ساڵیادی دامەزراندنی ئەو حزبەیان گەیاندە سەرۆکەکەی.

 

ئەمڕۆ سێشەممە وەفدێکی دەڤەری هەولێری هاو‌پەیمانیی نیشتیمانی کە پێکهاتبوون لە بەڕێزان دکتۆر ئاشتی ستار ئەندامی ئەنجومەنی سیاسی و کارگێڕی دەڤەری هەولێر و چرۆ ئیسماعیل بەرپرسی بەشی ڕاگەیاندن و پەیوەندیەکان و جوان عەبدولخالق بەرپرسی گەشەپێدان و سالار ئەربیل هاودیدی هاوپەیمانی سەردانی پارتی گەشەپێدانی تورکمانیان کرد.

 

وەفدەکە لەلایەن بەڕێز محەمەد سەعدەدین ئیلخانلی سەرۆکی پارتی گەشەپێدانی تورکمان و ئەحمەد مەجید و زهێر ڕەشید و سالم خەلیل ئەندامانی مەکتەبی سیاسی پێشوازیان لێ کرا.

وەفدەکەی هاوپەیمانی پیرۆزبایی ساڵیادی دامەزراندنی پارتی گەشەپێدانی تورکمانیان گەیاند بە سەرۆکی حزبی ناوبراو و جەختیان لە برەرەوپێشبردنی پەیوەندی و هەماهەنگی و گرنگی کاری پێکەوەیی کردەوە.