ڕۆحانی بۆ ترەمپ: ئارامگرتنمان سنووردارە

بچووکردنەوە گەورەکردن

حەسەن ڕۆحانی سەرۆكی ئێران هۆشداری دەداتە دۆناڵد ترەمپ سەرۆكی ئەمریكا و ئیدارەكەی و دەڵێت “ئارامگرتنمان سنووردارە”.

 

 

ئەمرۆ سێشەممە حەسەن رۆحانی، سەرۆک کۆماری ئێران لەمیانی وتارێکدا رایگەیاند،” ئامانجی ویلایەتە یەکگرتوەکانی ئەمریکا تێکدانی رەوشی مرۆیییە لە ئێراندا”.

وتیشی، ئەمریکا لە رێگەی سزاکانیەوە تەواوی گەلی ئێرانی خستوەتە ژێر گوشارەوە و سزاکانی زیانی گەورەی بە دەرمان و کەرتی تەندروستی گەیاندووە”.

لەبارەی تێکشکاندنی ئەو فڕۆکەیەی کە بەمەبەستی کۆکردنەوەی زانیاری ئەمریکا رەوانەی سنورەکانی ئێرانی کردبوو حەسەن روحانی وتی، “ئێران بە موشەکێکی ئێرانی فڕۆکە ئەمریکییەکەی تێکشکاند و ڕاشیگەیاند ئارامگرتنیان سنووردارە.”.

هەروەها لەبارەی دانوستان و گفوگۆ بۆ دۆزینەوە رێگەچارەیەک بۆ کێشەکانی ئەو دوو وڵاتە باسی لەوە کرد، کە “ئەمریکا راستگۆ نییەو دانوستان رەتدەکاتەوە”

 

 

 

سەبارەت بە سزا نوێکانی سەر ولاتەکەی کە خامنەئی بە ئامانج گرتووە رۆحانی وتی “سزاکانی سەر عەلی خامنەئی سودی نییە چونکە هەژماری بانکی نییە”.

 

 

 

ئەم هۆشدارییە توندەی سەرۆكی ئێران لە تارانی پایتەخت لە دوای واژۆكردنی ترەمپ دێت لەسەر كۆمەڵێك سزای نوێ بەسەر ئێراندا، كە ژمارەیەك بەرپرسی باڵاو فەرماندەی سەربازی دەگرێتەوە لەوانە عەلی خامنەیی ڕێبەری باڵا و محەمەد جەواد زەریف وەزیری دەرەوە.