ئۆفیسی هاوپەیمانی لە فەرەنسا لەگەڵ پارتی کۆماریی فەرەنسا کۆبوەوە

بچووکردنەوە گەورەکردن

سەرلەئێوارەی دوێنێ ٢٤ حوزەیران بەرپرسی ئۆفیسی هاوپەیمانی لە فەرەنسا لەگەڵ ڕاوێژکاری پارتی کۆماریی فەرەنسی کۆبوەوە.

 

لە دیدارەکەدا حسێن ئەحمەد بەرپرسی ئۆفیسی هاوپەیمانی لە فەرەنسا تیشکی خستە سەر ڕوانین و دیدی هاوپەیمانی بۆ سیاسەت و کاری سیاسی لە کوردستان و بەرچاوڕونی پێویستی دایە ڕاوێژکارەکەی پارتی کۆماریی فەرەنسا،لە بەرامبەردا دانیال میشێل  ڕاوێژکاری کۆماریەکانی فەرەنسا خۆشحاڵی خۆی دەربڕی بۆ دیدو ڕوانینی هاوپەیمانی و پشتیوانی خۆی و پارتەکەی دووپاتکردەوە بۆ ئۆفیسی هاوپەیمانی لە فەرەنسا و بەڵێنی کاری هاوبەشی دایە بەرپرسی ئۆفیسی هاوپەیمانی.

 

لە کۆتایی دیدارەکەدا هەردوولا بە گرنگیەوە باسیان لە بەردەوامی پەیوەندیەکان کردو بڕیاریاندا ئەم جۆرە کۆبونەوانە بەردەوام و فراوان بکرێن و لە ئاستی باڵاتر ئەنجامبدرێن.

 

ئۆفیسی هاوپەیمانی لە فەرەنسا بەشێکە لە ئۆفیسی گشتی هاوپەیمانی لە تاراوگە کە بە یەکێک لە ئۆرگانە گرنگ و دیارەکانی هاوپەیمانی هەژمار دەکرێت.