چەند هەنگاوێکی ئاسان بۆ چارەسەی نائارامی دەرونی

بچووکردنەوە گەورەکردن

نەخۆشی دەرونی بریتیە لە و نەخۆشییەی کە کاردەکاتە سەر بیر و ڕەفتار و هەلسوکەوتی نەخۆشەکە، چەندین جۆری جیاواز دەگرێتەوە وەکو نەخۆشی خەمۆکی فیشاری دەروونی 

 

 

 

دەروونناسی بەشێوەیەكی گشتی هەوڵدەدات كە تاك بگەینێ بە جۆرێك لە بەختەوەری و ئاسوودەیی دەروونی، دەروونناسی هەوڵدەدات باشترین رێگە بخاتەڕوو بۆ ئەوەی تاكەكان بەرەو خۆشگوزەرانی دەروونی بچن و لە رووی دەروونییەوە ئارام و ئاسوودە بن، هەندێ لەو رێگایانەش بریتین لە:

 

 

 

یەكەم : هەڵسوكەوت كردن بە ئەرێنی:

تاكەكان دەتوانن كە بەشێوەیەكی ئەرێنی و دروست رەفتار بكەن، بۆ پشتكردن لەو بیرۆكە نەرێنیانەی دێتە بەردەمیان و كاریگەری لەسەر ژیانیان هەیە، دەتوانێ پرسیار لەوە بكات ئایا ئەو بیرۆكانە بۆ ئەو چەندە بەسوودن ؟ هەروەها پێویستە لەسەر تاك كە هەموو ئەو بارودۆخانەی ڕووبەڕووی دەبێتەوە بەشێوەیەكی دروست هەڵیبسەنگێنێ، بۆ ئەوەی رەفتارو بیركردنەوەكانی بە ئاڕاستەیەكی دروستدا بڕۆن.

 

 

دووەم : دەم بەزەردەخەنە بوون:

پێكەنین و زەردەخەنە ئاماژەو پەیامی ئەرێنی دەنێرن بۆ مێشك، ئەمەش دەبێتە هۆی باشتركردن و هاندانی باری دەروونی تاك بەرەو باشترچوون، پێكەنین دەبێتە هۆی لابردنی هەستە نەرێنییەكان و زیندووكردنەوەی هەستی ئەرێنی لای تاك، یەكێكە لە باشترین رێگەكانی باشتركردنی باری دەروونی.

 

 

 

سێیەم : دووركەوتنەوە لە خۆبەراورد كردن:

هەر كەسێك دەیەوێت چێژ لەژیان و باری دەروونی خۆی وەربگرێـت، دەبێـت لەخۆبەراورد كردن بە كەسانی تر بەدوور بگرێت، چونكە ئەم خۆبەراود كردنە دەبێتە هۆ كەمردنەوەی ئاستی رێزگرتن لە خۆ و تواناكانی، ئەو كات‌ پەیوەندییەك دروست دەبێت لە نێوان دەستەكەوتەكانی خۆی و كەسەكەی تر. ئەگەر خۆ بەروارد كردن بۆ خۆبەكەم بنین بێت ئەوا دەبێتە هۆی دروستبوونی كێشی نائارام لە دەروونی كەسەكە، دەبێتە هۆی لە دەستدانی تواناكان هەستكردن بە لاوازی، ئەمەش زۆرجار ساردبوونەوە و پاشەكشەی بەدوادا دێت.

 

 

چوارەم : بەرزكردنەوەی ئاستی متمانە بەخۆبوون:

پێویستە تاك تێروانینێكی ئەرێنی و دروستی بەرامبەر بەخۆی هەبێت، پێویستە بەم تێڕوانینە خۆی خۆی هاندان بدات، دەبێت بەرامبەر بە كێشەكانی بوەستێت، یان ئەگەر لە كارێك لە كارەكانی ژیانی رۆژانەی سەركەوتوو نەبوو، ئەوا رابكات و كۆڵ بدات، بەرز كردنەوەی ئاستی متمانە بەخۆبوون بە رووانینی ئەرێنی بۆخۆو بە خۆپاڵپتیشكردن دروست دەبێت، نەوەك بەخۆ سەرزەنشتكردن، هەروەها گرنگیدان بەو كارانەی دەیكەیت دەبێتە هۆی دروستكردنی متمانە بەخۆبوون.

 

پێنجەم : گوزارشتكردن لە هەست و سۆزەكان:

تاكەكان دەبێت ئەوە بزانن كە ئاستی دەروونساغیان بەمە بەرەو باشتربوون دەچێت كە درك بە هەستەكانی خۆیان بكەن و بەباشترین شێوە دەریببڕن، مەبەست لە دەربڕینی هەستەكان ئەوەیە كە بە ئەرێنی و بەدروستی گوزارشت لە خۆت بكەی كاتێك رووبەرووی بارودۆخێك دەبیتەوە، لە ژێر كۆنتڕۆڵ بوونی هەستەكان زۆر گرنگە لەو كاتانەی دووچاری فشارێك دەبیتەوە بزانین چۆن پەرچە كرداری جەستەیی و دەروونیت دەبێت بۆ بارودۆخەكە، دەبێت بزانین كە چۆن و لەچ كات و شوێنێك هەستەكانمان دەردەبڕین، هێشتنەوەی هەستەكان لەناخداو كپكردنی كێشە دروست دەكات بۆ دەروون و جەستە، بۆیە دەربڕینیان بە رێگەیەكی گونجاو دەبێتە هۆی بەرزكردنەوەی ئاستی دەروونساغی تاك.

 

 

شەشەم : پاراستن و بەردەوام بوون لەسەر خووە تەندروست و باشەكان:

دەتوانین بە ئەنجامدانی وەرزش بە شێوەیەكی رێكوپێك دەروونی خۆت بەرەو باشتر ببەیت وەرزشكردن یارمەتیدەرە بۆ زیادبوون ئاستی متمانە بەخۆبوون، كەمكردنەوەی تەنگژەكان و ئەو فشارە جۆراو جۆرانەی لە ژیانی رۆژانەدا دێتە بەردەمتان، لەگەڵ ئەوەشدا دانانی رێسایەكی خواردن لە خواردنی تەندروست و گونجاو، هەروەها دووركەوتنەوە لە خواردنەوە گازییەكان و نادروستەكان یارمەتیدەرێكی باشە بۆ باشتربوونی باری دەروونی تاك، لەلایەكی تر خواردنی جگەرە و ماددەی كهولییەكان و ماددەكانی تر، دەبێتە هۆی دروستكردنی سیستەمێكی لاوازی بەرگری لە جەستەو دواتر كاریگەری لەسەر لایەنی دەروونی تاك دەبێت.

 

حەفتەم : خەوتن:

ئەگەر بەشێوەیەكی رێكوپێك و كاتی پێویستە تاك بخەوێت ئەوا یارمەتیدەرێكی باشە بۆ كەمكردنەوەی فشارەكان، هەروەها پاڵپشتییەكی زۆرباشە بۆ حەسانەوەو پشوودانی جەستەو دەروون، بۆیە پێویستە شەوانە كاتی پێویست بخەوێت، لە شوێنێكی گونجاو، كە تێیدا هەست بە پشوو بكەیت.

 

هەشتەم : خۆهێوكردنەوە:

ئەنجامدانی راهێنانەكانی خۆهێوكردنەوە بەشێوەیەكی رۆژانە یارمەتیدەرێكی زۆر باشە بۆ باشتر بوونی لایەنی دەروونی تاك و كەمكردنەوەی فشارەكانی سەری، تەكنیكەكانی خۆهێوركردنەوە یارمەتیدەرە بۆ كەمكردنەوەی تەنگژە دەروونییەكان، هەروەها دەبێتە هۆی كۆنتڕۆڵكردنی باری دەروونی و بەرزكردنەوەی هەستی خۆشی و ئاسوودەیی.

 

 

 

نۆیەم : بەخشین و دەستپێشخەر:

بەخشین و دەستپێشخەری یەكێكە لە باشترین رێگەكان بۆ پاڵپشی و چارەسەری باری دەروونی، دەبێتە هۆی چاندن و بڵاوكردنەوەی بەختەوەریی و سۆز لە دڵدا، دەروون بەرەو ئاسودەیی دەچێت كاتێك بەهۆی بەشدارییەكی تۆوە بزە دەكەوێتە سەر لێوی منداڵێك، پیاوێك یان ژنێك، دابینكردنی پێویستیەكانی خەڵك هەستێكی كامەرانی دەبەخشێ، هەورەها دەكرێت ئەم بەخشینانە جۆراو جۆربن بە گوێرەی كات و شوێنەكە.

 

 

دەیەم : سوپاسگوزار بە:

لایەنە باش و جوانەكانی رووداوو كارەكان ببینە، هەستی سوپاسگوزاریت تێدا زیندوو بێت، كاتێك رۆژ هەڵدێ و تۆش هەناسە دەدەیت و زیندوویت ئەمە سوپاسگوزاری دەوێ، كەسانێك هەن نەگەیشتنە ئەم كاتە، رۆژیان نەكردەوە، لەشەودا ماڵ ئاواییان كرد، بە ئەرێنییەوە سەیری دەوروبەری خۆت بكە، لەگەڵ كەسەكان خۆشبگوزەرێنە، ئەو كات و دەرفەتەی لەبەردەستتە بەباشی بەكاریبهێنەو چێژی لێببینە.

 

 

یازدە : سەردانیكردنی پسپۆڕانی دەروونی:

ئەگەر زانیت حاڵەتەكەی تۆ قورس و گرانە هیچ كامێك لەم رێگایانە ناتوانێ هاوكاریت بكات، ئەوا پێویستە سەردانی پسپۆڕانی بواری دەروونی بكەیت، بۆ ئەوەی كێشەكان دیاری بكەیت، لەوانەیە هۆكاری نارەحەتی و فشارەكان یان بێزاریت لە ژیان بۆ یەكێك لە شڵەژانە دەروونییەكان بگەڕێتەوە، لەوانە تووشی خەمۆكی، دڵەڕاوكێ، وەسواسی یان هیتر بووبیت، بۆیە پێویستت بەچارەسەر هەیە لەلای پسپۆڕانی دەروونی.

 

هۆكاری نەخۆشی دەروونی  30%ی هۆكارەكەی بۆماوەییە و مەرجیش نییە بۆماوەییەكە لە دایك و باوكییەوە بێت واتە ئەوان یەكێكیان نەخۆشی دەروونیان هەبێت، بەڵكو لەوانەیە ئەوان ئامادەییان هەبێت و بەسەریاندا دەرنەكەوێت، هەروەها 70%ی هۆكارەكەی بۆ دەروبەر دەگەڕێتەوە كە بریتییە لە پاڵەپەستۆی ژیان و كێشەی دەروونی كە بەهۆی بوونی هۆكارەكان لە ژینگەی مرۆڤ، یان ئەوەتا هەردوو هۆكار بەیەكەوە كۆ دەبنەوە و مرۆڤەكە دەكەنە ئامانج.

 

 

 

 

چارەسەری دەروونی نەخۆشەكەش لە ڕێگای دەروونناس یان چارەسازی دەروونی یەوە دەكرێت ئەویش بە بەكارهێنانی تەكنیكی (چارەسەری هزری و ڕەفتاری) كە لێرەدا یارمەتی نەخۆش دەدرێ لە سەر خۆ ڕاهێنان و ڕووبەڕوو بونەوەی بیرۆكە نێگەتیڤەكانی و گۆڕینیان بە بیرۆكەی پۆزەتیڤ و زاڵ بوون بەسەر نەخۆشییەكەیداو فێركردنی لەسەر چۆنیەتی گەڕانەوەی متمانە بەخۆبوون و نەمانی هەستكردن بە كەمی و ئاسایی بوونەوەی باری دەروونی كەسەكە.