ئێران: داواکارییەکی ئاراستەی بەریتانیا کرد

بچووکردنەوە گەورەکردن

تاران دووپاتی کردەوە بە زووترین کات دەبێت کەشتیە نەوت هەڵگرەکەمان ئازادبکرێت.

 

 

عەباس موسەوی وتەبێژی وەزارەتی دەرەوەی ئێران لە کۆنگرەیەکی ڕۆژنامەوانیدا ڕیگەیاند”داوا لە حکومەتی بەریتانیا دەکەین کەشتییە نەوت هەڵگرەکەمان ئازاد بکات”.

 

 

ناوبراو جەختیشی کردەوە هەڵکوتانە سەر کەشتیگەلەکانی جەبەل تاریق کارێکی چەتەگەراییە و دژی هەموو یاسا نێودەوڵەتیەکانە.

 

 

وتیشی کەشتی گریس1 لە ڕێڕەوی خۆی لاینەداوە بەڕێگاوە بوە بەرەو سوریا هەموو بەڵگەکانیشیان پێشکەشی وڵاتی بەریتانیا کردوە.

 

 

شایەنی باسە لە ماوەی ڕابردووشدا موحسین ڕەزایی ئەمینداری پاراستنی بەرژەوەندییە باڵاکانی ئێران وتی “ئەگەر بەریتانیا کەشتێکەمان ئازادنەکات ئیمەش دەستدەگرین بەسەر کەشتییەکی بەریتانیدا”.

 

 

کەشتی گریس1 کەشتییەکی بارهەڵگری ئێرانیە لە توانایدایە 2ملێۆن زیاتر بەرمیل نەوت هەڵبگرێت لە هەفتەی ڕابردوودا دەستی بەسەردا گیرا لە لایەن دەسەڵاتدارانی جەبەل تاریقەوە.