پاسداران: نابێت ئێران بەرامبەر دوژمنەکانی پاشەکشەبکات

بچووکردنەوە گەورەکردن

فەرماندەی هێزی زەمینی سوپای پاسدارانی كۆماری ئیسلامی ئێران دەڵێت “بە تێكشكاندنی فڕۆكەی بێفڕۆكەوانی ئەمریكایی لە گەروی هورمز هەژموونی ئەمریكامان تێكشاند”

 

 

محەمەد پاكپور لە كۆبوونەوەی فەرماندە و كاربەدەستە لەشكرییەكانی كۆماری ئیسلامی ئێران لە شاری مەشهەد ئاماژەی بەوەدا كە دەسەڵاتی ئێرانی ئیسلامی بەرچاوە لە ناوچەكە و ئەمریكاش ئەوە ڕاستییەی بۆ قبوڵ ناکرێت.

 

 

ئاماژەی بەوەشكرد، كردنە ئامانجی فڕۆكەی بێفڕۆكەوانی دەستدرێژیكاری ئەمریكا لەو دواییەدا ڕەوشەكەی لەبەرژەوەندی ئێران گۆڕی و بەو كارە هەژموونی ئەمریكا تێكشكا پاش ئەو ڕووداوە هەمووان هێزی ئێرانیان زانی.

 

 

ڕاشیگەیاند، نابێت ئێران بەرامبەر دوژمنەكانی پاشەكشە بكات، دەبێت پێشچوونی خۆیان خۆش بكەن، بۆیە پلانی بەرەو ڕووبوونەوەی پەیمانشكێنەكانی ڕێككەوتنی ناوەكی لە بەرنامەی ئێراندایە.