هزر و كار د هەڤپەیمانیێ دا بنیاتێ ئاڤاكرنێ نە

ب شێوەیەكێ گشتی رێك و رێبازێن د حزبایەتیا هەرێما كوردستانێ دا ژ لایەكێ ڤە نە خودان پروژەیێن روون و ئاشكرانە و ب درێژیا مێژوویێ ل شوینا بەرژەوەندیێن گشتی و نەتەوایەتی بو بەرژەوەندیێن تاكەكەسی و حزبایەتی كار دهێتە كرن.

 

د هەمان دەم دا و ب شێوەیەكێ گشتی دەلیڤە ب گەنجان نەهاتیە دان دا كو هزر و بوچونێت خو یێن گەنجانە دەرببرن و كار بو سەرخستنا وەلاتێ خو بكەن.

 

هەڤپەیمانیا نشتیمانی جودا یە ژ وێ یا هەی، هەڤپەیمانی ئەو پروژەیە یێ لسەر دەستێ گەنجێن نوی خاز هاتیە دارشتن و خالا هەری سەرەكی ژی تێدا مروڤ سەنتەرە، رێزێ ل مروڤ و مروڤاتی و هزر و بوچونێت جودا دگریت و هەر هزرەكا باش بیت و مەرەم بەرف پێشڤەبرن و ئاڤاكرنا وەلاتی بیت گرنگ لقەلەم ددەت و دەلیڤێ ددەت كار لسەر بهێتە كرن بێ كو گرنگی ب رابردوویا سیاسی بهێتە دان، هەروەسا جوداهیا هزركرن و دەربرین و دەلیڤا كاری ب گەنجان بنیاتێ ئاڤاكرن و پێشكەفتنا مللەتا دزانیت.

 

هەڤپەیمانی ئەو پروژەیە ئەوێ هەڤپەیمانیێ دناڤبەرا تاكێن ڤی وەلاتی دا دروست دكەتن و وەكی قودیكەكێ یە و دەلیڤی ددەتە هەمی تەمەن و رەگەزێن جودا جودا خوە تێدا ببینن، و دەلیڤێ نادەت كەرامەتا تاكێ كورد بهێتە شكاندن زێدەباری پاراستنا كەرامەتا خوە، هەڤپەیمانیا نشتیمانی حزبەكا گەنج و پروژەكێ گەنج و رێڤەبرنەكا گەنج پێنگاڤا ژبو سەركەفتنێ د هاڤێژیت.