نوێنەری هاوپەیمانیی و تەیاری بەدری وەتەنی کۆبونەوە

بچووکردنەوە گەورەکردن

وەفدێکی هاوپەیمانیی نیشتمانی و تەیاری بەدری وەتەنی کۆبونەوەو تاوتوێی چەند بابەتێکی تایبەت بە دیدی هاوپەیمانییان کرد.

 

بەمەبەستی ناساندنی هاوپەیمانی نیشتمانی بە لایەنە عێراقیەکان، نوێنەری هاوپەیمانی شاری ملبۆرنی ئوسترالیا سەردانی  تەیاری بەدری وەتەنی کردو لەلایەن کامل کازمیی ڕاگری گشتی تەیارەکە پێشوازی لێکرا.

 

سەردانەکەی نوێنەرەکەی هاوپەیمانی بەبۆنەی دامەزراندنی پارتەکەیانەوە بوو کە بارەگای سەرەکیان لە بەغداد دەبێت.

 

لەمیاندی دیدارەکەدا دکتۆر شۆرش نوێنەری هاوپەیمانی بەرنامەو دیدی هاوپەیمانی ڕونکردەوە بۆ کازمیی و بە وردی لەسەر ئەو چەمکانە قسەیکرد کە هاوپەیمانی گرنگییان پیدەدات و کاریان لەسەر دەکات.

 

لەبەرامبەردا ناوبراو زۆر خۆشحاڵی خۆی دەربڕی بە دیدو ڕوانینی هاوپەیمانی بۆ بابەتەکانی مرۆڤ سەنتەری و پێکەوەژیان و ئازادی و  مافەکانی ژنان،وە هیوای خواست لە ئایندەیەکی نزیک سەردانی سلێمانی بکات و لە نزیکەوە چاوی بە سەرۆکی هاوپەیمانی بکەوێت.