هاوپەیمانی و بزوتنەوەی ئیسلامی جەختیان لە پەیوەندیەکانیان کردەوە

بچووکردنەوە گەورەکردن

وەفدێکی دەڤەری هەولێری هاوپەیمانی و مەڵبەندی بزوتنەوەی ئیسلامی کۆبونەوەو جەختیان لە پەیوەندیەکانی نێوانیان کردەوە.

 

 

وەفدەکەی هاوپەیمانی پێکهاتبوو لە ئاشتی ستار کارگێڕی دەڤەر و عومەر ئاغۆل یاریدەدەری کارگێڕو هەریەک لە هیجران جوکل و ڕۆژان عبدالخالق ئەندامانی دەڤەر، لە سەردانەکەدا وەفدەکەی هاوپەیمانی جەختی لە پەیوەندی هاوپەیمانی و سەرجەم هێزو لایەنە سیاسیەکان کردەوەوە تەئکیدیان لە کاری پێکەوەیی و کۆکردنەوەی هەموان کردەوە لە پرسە نیشتمانیە گرنگەکان و پێکەوە ژیان و رێزگرتن لە بەها پیرۆزەکانی سەرجەم پێکهاتەکان.

 

 

لەبەرامبەردا شاندی بزوتنەوەی ئێسلامی وێرای خۆشحاڵییان بەسەردانەکەی وەفدی هاوپەیمانی بە گرنگییەوە باسیان لەو چەمکانە کرد کە هاوپەیمانی هەڵیگرتون و کردونیەتیە بەرنامەی کاری خۆی.

 

 

وەفدەکەی مەڵبەندی هەولێری بزوتنەوەی ئیسلامی ئامادەیی خۆیان نیشاندا بۆ هەماهەنگی لە هەر کارێکدا کە لە بەرژەوەندی هاولاتیان و نیشماندا بێت و سوپاسی هاوپەیمانیان کرد بۆ ئەو هەوڵانەی کە خستویەتیەگەڕ بە مەبەستی نەهێشتنی جیاوازیەکان.

 

 

وەفدەکەی هاوپەیمانی لەلایەن کەمال زرار ئەندامی سەرکردایەتی و بەرپرسی مەڵبەندی هەولێر و ژمارەیەک لە کارگێڕانی مەڵبەندەوە پێشوازی کران.