خۆپیشاندانەکەی دوێنێی کەرکوک کەسی هەلپەرست و بەرژەوەند خواز ئەنجامیانداوە

بچووکردنەوە گەورەکردن

کامل جەلال لە لێدوانێکدا لەسەر بارودۆخی کەرکوک و دواین پێشهاتەکانی شارەکە ڕایگەیاند” داوا سەرجەم لایەنە سیاسیە کوردی و تورکمانی و عەرەبیەکان دەکەین کاربکەن لە پێناو سەقامگیری و ئارامی و پاراستنی گیانی برایەتی نێوان پێکهاتەکانی شارەکە”

لە پرسیارێکی دیجیتاڵ میدیای هاوپەیمانیدا بەرپرسی دەڤەری کەرکوکی هاوپەیمانی ڕایگەیاند” لە ڕوانگەی ئێمەوە خۆپیشاندانی دوێنێی چەند کەسێک دژی دانانی پارێزگارێکی کورد نابێتە،مۆر بە نێوچەوانی سەرجەم پێکهاتەی عەرەبی ئەم شارەو ئەوە راو بۆچونی چەند کەسێک بوە کە هەلپەرست و بەرژەوەندخوازن و رای گشتی عەرەبی شارەکە نییە بە هیچ جۆرێک، ڕوون و ئاشکرایە پاش ڕوداوەکانی شانزەی ئۆکتۆبەر کەسانێکی هەلپەرست و بەرژەوەند خواز پێگەو پۆستی فەرمیان بۆ بۆبەرژەوەندی خۆیان و دەورو بەرەکەیان بە کاردێنن و هەرئەوانەشن دوێنێ بەناوی سەرجەم پێکهاتەی عەرەبەوە خەڵکێکی کەم و کەم فامیان هێنایە سەرشەقام لە پێناو مانەوەو بەرگری لە بەرژەوەندی و پۆستەکەیان،”

 

 

بەرپرسەکەی هاوپەیمانی ڕایگەیاند ” ئێمە وەک هاوپەیمانیی نیشتمانی وای دەبینین ناکرێ پەیوەندی برایەتی و پێکەوەژیانی سەدان ساڵەی نێوان پێکهاتەی ڕەسەنی ئەم شارە بکەینە قوربانی خواستی کەسانی خۆپەرست و بەرژەوەندخواز و داواش لە سەرجەم هاوڵاتیانی ئەم شارە دەکەین نەبنە هەوێن و داردەست بۆهێنانەدی خەونی ئەوانەی لەپاڵ ململانێی قەومی و تایفەگەریدا دەیانەوێ پەرە بە شەڕی خەڵک وبەرژەوەندی خۆیان بدەن سەرەنجامیش زەرەرمەند تەنها خەڵکی بێدیفاع و ڕەسەنی ئەم شارەیە و ئێمە خوازیاری ژیانێکی سەربەرزانەو پڕ شکۆین بۆهەموان.”